గుండె నిండా గుడి గంటలు టుడే ఎపిసోడ్: పెళ్లాలను ఎత్తుకొని తిరిగిన బాలు, రవి, మనోజ్.. ముచ్చటపడిన ప్రభావతి

గుండె నిండా గుడి గంటలు ఈరోజు ఎపిసోడ్ మొత్తం రోహిణి, మాణిక్యంతోపాటు చివర్లో ఇంట్లో ముగ్గురు కొడుకులు తమ భార్యలను ఎత్తుకుని తిరిగే సీన్లో సాగిపోయింది. అయితే ఎపిసోడ్ చివర్లో ఇంట్లో ఎవరు ఎంతివ్వాలో చెబుతూ సత్యం లెక్కలు వేయడం విశేషం. ఇంకా ఏం జరిగిందో ఒకసారి చూద్దాం.

మాణిక్యం ఇక్కడే ఉన్నాడని తాను నిరూపిస్తానని, అతనితో తాను దిగిన ఫొటోను గ్రూపులో షేర్ చేసి తమ వాళ్లందరికీ అతడు ఎక్కడైనా కనిపిస్తే చెప్పాలని అడుగుతానని బాలు అంటాడు. ఆ మాటలు విని రోహిణి కంగారు పడుతుంది. కొత్త నాటకానికి తెరతీస్తుంది.

అటు మనోజ్ లోనూ అనుమానం మొదలవుతుంది. అదే విషయం రోహిణిని అడుగుతాడు. అతడు మాట్లాడే మాటలు అర్థం కాలేదు.. దుబాయ్ లో ఎందుకు ఉన్నాడు.. రూ.25 లక్షలు అతడు ఇచ్చాడని చెబుతాడేంటి.. మరో రూ.5 లక్షలు ఇస్తాడంటాడేంటి అని అడుగుతాడు. దీంతో రోహిణి ఎదురు తిరిగి అతనికే క్లాస్ పీకి వెళ్లిపోతుంది.

అటు తన ప్లాన్ సక్సెస్ కావడంతో మాణిక్యం దగ్గరికి వెళ్లి రోహిణి థ్యాంక్స్ చెబుతుంది. అయితే అతడు మాత్రం పదే పదే అబద్ధం ఆడితే ఎప్పుడో ఒకసారి బయటపడుతుందని రోహిణికి మాణిక్యం వార్నింగ్ ఇస్తాడు.

చివరికి ఇంటి ఖర్చుల కోసం అందరినీ సత్యం డబ్బులు అడగడం విశేషం. మనోజ్ తాను రూ.8 వేలు ఇస్తాననగా.. బాలు రూ.10 వేలు, రవి రూ.10 వేలు ఇస్తామంటారు. అక్కడితో గుండె నిండా గుడి గంటలు ఈరోజు ఎపిసోడ్ ముగుస్తుంది.