Asp er ein karpefisk som høyrer til familien Leuciscidae. Asp er den einaste karpefisken i Noreg som er ein utprega rovfisk. Asp kan bli relativt stor.
blåspol
Største rapporterte storleik er på 120 centimeter og ni kilo. Hos oss i Noreg blir dei neppe så store. Den største aspen som er rapportert fanga på sportsfiskeredskap var ein fisk som vog 5,3 kilo.
Aspen er særleg utbreidd i Asia og det søraustlege Europa. Han er òg vanleg i Nord-Tyskland, Austerrike og sørlege delar av Russland. Han manglar i Danmark, men finst i nokre vassdrag i sørlege delar av Sverige og Finland.
Asp er den av dei naturleg innvandra ferskvannsfiskane som har det snevraste utbreiingsområdet; han førekjem opprinneleg berre i Glommavassdragets nedste deler. Han finst i Øyeren opp til Bingsfoss, i tillegg til Leira og Nitelva. Asp er i nyare tid òg blitt registret i Haldenvassdraget, då i Skulerudsjøen og Rødenessjøen. Han er truleg satt ut der i nyare tid, og det er uklart korleis bestanden har utvikla seg.
Aspen er rekna som ein svært attraktiv sportsfisk og ein god matfisk.
Asp er ein art i familien Leuciscidae, som høyrer til ordenen karpefisker.
Artsdatabanken plasserar alle norske karpefisk i karpefamilien, som er ein av dei andre familiene i ordenen karpefisker. Men ifølgje dei mest oppdaterte oppslagsverka, Eschmeyer’s catalog of fishes og FishBase, plasserast no de fleste artane av karpefisk i familien Leuciscidae.
Det lokale namnet i Øyeren-området er blåspol. Her var han òg ein viktig matfisk tidlegare, noko som kjem fram i Fetvisa, nedskriven i 1740-åra: «Den Baaspur saa fed, At fange vi veed Og sende til Herrernes Borde; Den Kongelig Mad vi har paa vort Fad Trods alle de salte Vands Fjorde!»
Aspius aspius
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.